QJ League B Лигасының жаңа маусымы басталуда!

QJ League чемпионатында қызыққа толы, қызу әрі тартысты маусым келе жатыр! Бұл жолы додаға B Лига қатысушылары қосылады. Көп ұзамай, яғни алдағы демалыс күндері командалар алаңға қайта оралып, кімнің жоғарыға көтерілуге лайық екенін дәлелдейтін болады!

4 мамыр күні сағат 12:00-де Шымкент қаласындағы «БИИК» спорт кешенінің «Намыс» стадионында (Ақсүмбе 40/1) шымкенттік «Оңтүстік» академиясы мен алматылық «Хантенгри» командалары арасындағы ойын өтеді. Барша жанкүйерлерді жерлестерімізді қолдауға шақырамыз! Біздің командамыз өткен маусымның чемпионы. 14 ойынның барлығында да жеңіске жеттік! Биыл 10 команда арасындағы тартыс бұрынғыдан да қызық болмақ.

Керемет матчтар, жарқын эмоциялар мен күтпеген сәттерге дайын болыңыздар. Жаңалықтар мен нәтижелерден хабардар болыңыздар — бұл маусым нағыз футбол мерекесі болмақ!