Бүгін өткен «Жетісу» командасымен ойында жеңіске жеткеннен кейін «Оңтүстік» Академиясының 2009 жылғы жасөспірімдер командасы Қазақстан Республикасының чемпионатының жеңімпазы атанды! 🔥👏 Матчтан кейін ойыншыларды клуб басшысы Бақдәулет Қожабаев арнайы құттықтап, жастардың табандылығы мен жеңіске деген жігеріне жоғары баға берді. 💪⚽

🏆 “Оңтүстік” футбол клубы-академиясы – қатарынан екінші жыл QJ League чемпионатының В Лигасының жеңімпазы! БИІК спорт кешенінің “Намыс” стадионында өткен марапаттау рәсімінде қала әкімі Ғабит Сыздықбеков жеңімпаздарға Кубок пен медальдарды табыстады. ⚽ 2008 жылғы жасөспірімдерден құралған команда маусым бойы үздік өнер көрсетіп, мерзімінен бұрын чемпиондық атаққа қол жеткізген болатын.

Сіздерді QJ League Лига В чемпионатының екі дүркін жеңімпазы атанған шымкенттік «Оңтүстік» футбол клубы-академиясы командасының марапаттау рәсіміне шақырамыз! Команда чемпиондықты мерзімінен бұрын жеңіп алды. Марапаттау рәсімі 28 қыркүйек күні "Елімай" командасына қарсы өтетін ойынды аяқтаған соң өтеді. Матч сағат 12-00-де басталады.

Шымкенттік "Оңтүстік” футбол клубы-академиясы екі жыл қатарынан QJ League чемпионатының В Лигасында жеңімпаз атанып отыр. Жақында “Оқжетпес” командасымен өткен ойында мерзімінен бұрын чемпиондық атаққа қол жеткізді. Бұл команда сапында 2008 жылғы жасөспірімдер ойнайды. Команданың бас бапкері – Андрей Ваганов. Ойыншылардың ішінде Алихан Али турнирдің үздік сұрмергендерінің қатарынан көрінуде. Академия аталмыш чемпионатқа үшінші жыл қатарынан қатысып келеді. Алғашқы маусымда бесінші орын алған команда бүгінде тұрақты жеңімпазға айналды.

21 қыркүйек күні Шымкенттегі «БИІК» спорт кешенінің «Намыс» стадионында QJ League В Лигасының 16-тур ойыны өтеді. Жергілікті «Оңтүстік» футбол клубы-академиясы өз алаңында «Оқжетпес» командасын қабылдайды. Кездесу сағат 12:00-де басталады. Ойын барысында ауа райы +33°С шамасында болады деп күтілуде. Матч QJ LEAGUE-тің ресми YouTube арнасында тікелей эфирде көрсетіледі.

Сіздерді 29 тамыз күні өтетін QJ League B Лигасының 14-тур ойынына шақырамыз! Біздің сүйікті “Оңтүстік” командасы “Ұлытаумен” кездеседі. 📅 Күні: 29 тамыз 🕔 Уақыты: 17:00 📍 Өтетін орны: “Намыс” стадионы, БИІК спорт кешені 🌡 Ауа райы: +33°C 📺 Тікелей эфир: QJ LEAGUE YouTube арнасында